Në një intervistë sot për situatën politike në Shqipëri, Knut Flenckestein deklaronte se ai nuk e kuptonte thirrjen e opozitës për qeveri teknike. Për ta ndihmuar të jetë më i qartë, ka ndërhyrë deputeti i PD-së, Luçiano Boçi.
Me anë të një statusi në “Facebook”, Boçi ka ngritur disa pyetje ku ai kërkon që eurodeputeti Fleckenstein, tu japë përgjigje duke qenë se nuk kupton kërkesën e PD për qeveri teknike.
STATUSI I PLOTË
Që Z. Fleckeinstein ta kuptojë kërkesën e PD për qeveri teknike, mqs është shprehur që nuk e kupton, duhet t’i japë më parë përgjigje këtyre pyetjeve fare të thjeshta:
– Sa euro kushton një votë në landin e tij?
– Si blihen votat në Gjermani?
– Sa banda operojnë në landin e tij për llogari të partisë-qeveri?
– Cili është më “i forti” i lagjes së tij që mbledh vota?
– A i ka uruar ndonjëherë “shefi”, sipas humorit, “Suksese në jetë”?
– A fiton dot ai në zonën e tij nqs se i del përpara një “bos” droge a burgaxhi i sprovuar, apo killer famoz, se këtu jo e jo që nuk ka shanse?
– A ka gjasa të ketë kandidatë politikë me rekorde të thella kriminale në vendin e tij?
– A ka promovuar e përkrahur ai vetë, individë të tillë në politikë për Kryetarë Bashkish apo Deputetë?
– Sa ton hashash mbillen në Gjermani?
– Sa përqind merr policia nga aktiviteti i drogës në Gjermani?
– Sa miliarda euro nga ky aktivitet përdoren nga partitë politike për të marrë pushtet atje?
– Sa vendime merren “nën efekt” për interesa kriminale e plehrash në vendin e tij?
– Sa ministra janë ish punonjës të ish STAS-it, apo hetues për llogari të STAS-it?
Vetëm kaq i duhet. Shqipëria e siguroj, është vend përrallor, por nuk mund të përralliset!!!
Pas kësaj me shumë dëshirë do ia aprovoja këshillat e leksionet për demokracinë funksionale e parlamentare.
